يا مزوّر التاريخ .. لا تبعـد الحـوم
المجد يحتاج .. لبطـولات وأرقـام
بكوم نادي القـرن والباقـي بكـوم
غصب ٍ على الأقزام وأعوان الأقـزام
صناعة التاريخ فـي حاجـة نجـوم
على غرار ..دعيّع ويوسـف وسـام
ما هيب في حاجة تخاريف موهـوم
ومهايطه .. ونجوم صناعة إعـلام
تعلموا يا قوم مـن.. سـادة القـوم
الاحترافيّـة .. بتحقيـق الأحــلام
نهج الزعيم أصبح تقاليـد وسلـوم
من يتبعها ما يعاني مـن أوهـام :
فريقنـا مبلـي ومرهـق ومظلـوم
ودايم خساراته سبب ظلم حكـام !!
لا والله الا درب واضـح ومرسـوم
كنه يقـول لقمـة المجـد .. قـدام
يا هلال ما يلحق محبينك .. اللـوم
دام العلاقـة معـك علاقـة هـيـام
نطيح من دونك .. ولعيونـك نقـوم
ولجلك نجوب الأرض ونرز الأعـلام
والعام هذا غير يـا فـارق السـوم
بالمختصر ماهو مثل باقي الأعـوام
أفضل وسط أفضل دفاع أفضل هجوم
يعني فريـق أحـلام ولا بالأحـلام
يا هلال ما الله خالق لمجدك خصوم
وردي على زيف الجرايـد والأقـلام
يكفي فخر إن الهلالي مـن اليـوم :
بينه وبين اقرب منافس 100 عام !!
تحيــاتـــي